Ubuntu Lucid Lynx 10.04 Beta 2
A versión final de Ubuntu Lucid Lynx 10.04, sairá a finais de mes. Esta nova versión da distribución de Linux máis popular será LTS (Long Term Support, cun período de soporte máis longo que as versións habituais). Fai un momento acábome de decatar que a pesar de que anunciaran que o buscador para Lucid Lynx sería Yahoo, deron volta atrás e dixeron que seguirán usando Google.
A pesar de que eles din que é debido a un cambio de circunstancias de última hora, eu creo que as circunstancias ás que fan referencia son máis económicas que outra cousa. Sexa como sexa a versión final virá con Google como buscador predeterminado. Se queredes ver como será, podedes descargar a Beta 2 (que aínda integra Yahoo como buscador por defecto), posiblemente a última Beta de 10.04, nuns días teremos as RC. Se non queres instalar esta nova versión pero queres probar Light, o novo tema de Ubuntu que rompe os esquemas que viña mantendo ata a data, podes seguir este sinxelo tutorial.
