Fai uns meses compreime un Nokia 5800 XpressMusic. O teléfono está bastante ben, a parte de que os menús podían ir un pouco máis rápido o funcionamento é aceptable. O problema é que a batería durábame dous días. Como había hackeado o móbil (nuns días subirei un tutorial de como facelo) dábame preguiza actualizar o Firmware xa que hai que volvelo a hackear. Tiña o v21, pero tras ler que a versión v31.0.101 incluía melloras, sobre todo na rapidez dos menús, decidín actualizar. E tremenda sorpresa, levo 4 días sen apagar o 5800 e aínda ten batería!
Imos coa explicación de como actualizar o firmware para conseguir que a nosa batería dure máis. Necesitamos:
- Nokia 5800 XpressMusic(…)
- Cable USB de 5cm de longo que só usa Nokia e é un coñazo(o que vén co móbil imos).
- Nokia Software Updater, que o podedes baixar aquí
O primeiro é facer unha copia de seguridade do que teñamos na tarxeta de memoria, xa que é recomendable formatearla. Se tedes algún programa instalado na tarxeta, ídelo a perder, polo que é recomendable ter os .sis/.sisx a man para logo reinstalarlos. O resto de arquivos como música, vídeos, fotos, temas, etc que hai na tarxeta de memoria son os que tedes que copiar nun cartafol para logo polos onde estaban.
Tras facer a copia de seguridade, hai que formatear. Desde o 5800, Menú, Aplicacións Xestor de arquivos, entramos en Tarxeta de memoria, Opcións, Opcións tarj. de memoria, formatear. Lévalle uns segundos.
Agora hai que instalar o NSU. En Windows 7 hai que executalo con compatibilidade con Vista (botón dereito no executable, propiedades, compatibilidade), se non di que non quere. Só hai que seguir os pasos e reiniciar o PC.
Abrimos o NSU. Se pregunta o firewall de Windows dámoslle a permitir acceso. Pediranos que conectemos o móbil. Ao facelo na pantalla do 5800 aparecen varias opcións. Seleccionamos PC Suite. Agora o NSU recoñeceranos o teléfono como 5800 XpressMusic e diranos que hai unha actualización dispoñible. Instalamos. Hai que ter a batería do 5800 cargada ao completo se non dará erro. Unha vez estea instalado o novo firmware, hai que facer un “hard reset”. Para isto, apagamos o móbil, e mantemos pulsadas a tecla verde, vermella e a da cámara, e logo pulsamos o botón de acender. Sen axuda é algo difícil pulsar tantos botóns sen romper a boneca. Tras isto o 5800 iniciarase normalmente.
A pantalla principal agora é algo distinta e ten máis opcións de configuración. Os menús irán máis rápido e a duración da batería alargarase a case o dobre!
Calquera dúbida ou problema, preguntade.
