Pasa continuamente. Intentas entrar nunha páxina web e polo motivo que sexa está caída, ou intentas acceder a un enlace e resulta que está roto. Con Resurrect Pages, unha extensión de Firefox, isto acabouse. Permítenos lanzar webs caídas desde as caches dos buscadores máis importantes como Google,Yahoo e Bing, ademais doutros servizos. Se ingresamos nunha web ou enlace que non está dispoñible, aparece xunto á páxina de erro un menú desde o que podemos lanzar as distintas caches para a páxina caída, podendo así visualizala.
Posiblemente non todas as caches teñan a páxina, ou pode pasar que nunha cache certa páxina web estea máis actualizada que noutra (posiblemente ningunha das caches nos móstre a páxina 100% actualizada pero é o que hai) por iso Resurrect Pages inclúe varias opcións de recuperación. Permite configuralo para que se lance certa cache automaticamente en caso de erro, etc.
Para Chrome o único que temos é unha extensión que lanza a cache de Google da web actual, seguramente non tarde en aparecer un Resurrect Pages para Chrome.
